Ferðalag framundan

Á morgun verður lagt í hann og haldið á ókunnar slóðir. Ég fer með næturlestinni til JiNan sem er höfuðborg ShanDong héraðs, held áfram til ZouPing, þaðan til Han Dian og loks til ShiHu. Tilgangur ferðarinnar er að kynnast sveitaþorpum í Kína, skoða verksmiðjur og kynnast opinberi þjónustu. Leiðtogar bæjanna taka á móti okkur og heimafólk er búið að bjóða okkur í mat.  Áður en ég kem aftur heim, til Shanghai, fer ég til Beijing, kynnist starfsemi norska sendiráðsins í Kína (vona að ég fái svigrúm til að fara einnig í íslenska sendiráðið, en dagskráin er mjög þétt), eins fer ég í heimsókn á mannréttinda skrifstofu Sameinuðu þjóðanna. Ég tek ekki tölvuna með enda efast ég um að það sé tölvusamband þarna í sveitinni og ég ætla að ferðast mjög létt, einungis einn lítill bakpoki sem á að rúma það sem ég þarf.  Þegar ég kem heim verður einungis vika þangað til Addi kemur til Shanghai og ég veit að hann er eins og ég farinn að telja daganna.

 Í gær fór ég aðeins niður á Dulonlu (borið fram svona) og aldrei þessu vant var þar ekki mikið af fólki, þrátt fyrir að það væri föstudagur enda rigning, samt varla rigning bara smá úði.

 

En það var líf og fjör á matarmarkaðinum og greinilegt að endur átti að vera í helgarmatinn. Þarna var hægt að kaupa bæði lifandi endur og einnig fulleldaðar.

Athugasemdir

[Rósa (IP-tala skráð) 18.11.2007 kl. 22:23]

Gangi þér vel á ferðalaginu - við ferðumst með í huganum :)

Kveðja Kirkjubæjarbrautinni

Freydís og Rósa

[Óli Týr (IP-tala skráð) 19.11.2007 kl. 13:55]

Sæl Helga

Þú hefur væntanlega staðið á öndinni þarna á markaðinum

Farðu varlega í sveitinni og gangi þér vel

Kveðja, Óli Týr